Ti-Jan é Paren A-y

Sé on kont tradisyonnèl Gwadloup ka montré kijan on nonm dwètèt ba kò a-y bann pou kanna pa pwan-y pou rim, é fè tèt a-y maché pou Lavi-la pa pété zoban a-y.
Paren a Ti-Jan, sé on vyékò a vis : fò kò a-w bon pou-w rivé vwè sa i pa-a montré é tann sa i pa-a di, davwa si ou pa ni tan ni tann ni vwè, i ké pwan-w so-la.
Ti-Jan, li, sé on ti Négriyon ki pa-a rantré adan maji a moun. I ka fè tèt a-y é kè a-y maché ansanm-ansanm pou-y pa pri adan zatrap méchansté a movésijé i ka kwè, dapré yo, yo pi gwotchap, pi karaken é pi wé ki toutmoun. Bab a pwofitasyon...
An maké kont-lasa jan an ka rakonté-y, kifè lè ou ka li-y, ou ka tann mwen ka rakonté-y é, an menm tan, ou ka koumansé rantré adan syans a lokans a Pèp Gwadloup.